THEIH DIING A POIMAWH

By: Pastor Thangdoulal Suantak

Khrist a it leh ngaih saptuamte, Jesu min in chibai ka hung buk hi.

Tulai thuthangte ziak a ngaihdan tuamtuam nei bang I omtaak man un lungdam-huai I sa uh hi. Hilezong I ngaihdante uh a dikzawkna diing in ken zong bangzah hiam, hih a nuai a bang in k’ung gen ut a, Laisiangthou (Bible) simna tawh I pan diing ua, tuachiang in k’ung gen diing hi.

(ERV Rom. 13:1-2). 1 All you must obey the government rulers. Everyone who rules was given the power to rule by God. And all those who rule now were given that power by God. 2 So anyone who is against the government is really against something God has commanded. Those who are against the government bring punishment on themselves.

(1Pet. 2: 13-17). 13 Toupa ziak in mihing dan bawl zousiah nuaiah kituhlut un, thuneipen kumpipa kiangah hiam, 14 ahihkeileh sil gilou bawlte leh silhoihbawlte phat ding a amah hungsawl ahih ziak in gam uktute kiangah zong. 15 Aziak pen na silhoih bawl ua mimawte motna na sukdaih uh Pasian deihdantak ahi. 16 Mi zalente bangin, tualeh na zalen na uh pen, gitlouhna kikhumna ding a zanglou in, hinanleh Pasian silate bangin om un. 17 Mi zousiah zahbawl un, sanggampihte it un, Pasian lau un, kumpipa zahbawl un.

Bible sim khinta I hih chiang un, hibang in ken zong k’ung gen diing hi.

1. LOCKDOWN ziak a kial-le-taak I saptuamte lak a omthei ahih ziak in Local zousiah kimansa a om a, hih lockdown ziak a eima local member khat meikuang paisuak an huan diing neilou, a U a Nau zong sukna diing om nawnlou, bei chihtak a bei a, an ngawl I om khak uh leh, Local in I huh diing uh ahi a, tualeh (National Food Security Act, (NFSA)te kiang a zong, I MDCte uh tungtawn a ngetna I delhpih diing uh baan ah, I honorary officer-te uh kiang a zong I buaina thu uh I tutpih diing uh ahi.

2. I PASTORTE VAANGAM A KAI NA DIING UAI? Chih zong saptuamte lak a ngaihdan omthei khat ahi. Mi gam a Pastorte’n Pasian muang a, a naate (damloute) lak a Pasian thu a khamuanna leh Pasian thu vahilh ngam a, ei Pastorte’n dai kikaih chih valong vaan gam a kai na di uai? Chih pen ngaihsut ching mahmah a, Pastorte a diing a zong kingaihsutna tamtak a om diing ka taksang hi. Hilezong kithoihna saang a thumanna deihzaw I Pasian uh ahi a, tualeh Govt. thuphuan zuihlouhna pen Bible kalh a gamtatna (1Pet. 2: 13-17; Rom. 13:1-2) ahihziak in Pasian in zong lungdampih lou diing hi.  

ZAH-OM SAPTUAMTE KIANG A NGETNA

Bangteng hileh, Pastorte thumang diing in kingaihsut ni. Pasian kam eite kiang a hung gente Pastorte ahih ziak un, Pastorte thu ahihpouh leh ka man or ka zuih diing ahi chih ngaihsutna a neite Pasian in zong ompih diing a, thupha zong pia diing hi. Pastorte thumang diing in saptuamte kiang ah k’ung ngen hi.

Tulai thu-leeng leh thuthang a tampite leh haksatnate kawmkaal a hung ching tawntung I biak Pa Pasian, I Toupa Jesu Khrist, leh Kha Siangthou kiang ah, phatna leh minthanna piak in om tawntung henla, leitung a om Khrist a saptuamte kiang ah kha muanna leh tawldamna om tawntungta hen.

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more