SUAMHAAT TEGEEL LUNGSIM
Members
zahtaak-huaite Jesu min in chibai….
BIBLE: Matt.
27: 38 Tualeh amah tawh suamhat nih zong akilhden
ua, aziatlam ah khat aveilam ah khat.
SAUMHAAT
TEGEEL KITUAK LOUHNA
Lk.23:
39 Tuachi`n migilou kikhaigel
lak a khat in, “Khrist na hihleh nang' ki hundam inla, kou zong hung hundam
tanla!” achi hi. 40 A khat pen in amah phawkkawm in adawng a, “Pasian lau
lou maw? Mawhtansakkhawm a i om thei tanla. 41 Eipen gawttak mawng i hi;
aziak i silbawlte man mu i hi; hinanleh hipa`n bangmah a bawlkhial kei,” achi
hi. 42 Tuachi`n aman Jesu kiangah, “Toupa na gam na tunchiang' hung
thei gige in aw!” achi hi. 43 Jesu`n a kiang ah, “Adiktak in k'ung hilh
ahi, tuni`n ka kiangah paradis ah na om ding hi,” achi hi.
MIKHIAL CHIATCHIAT HILEIZONG!
Hih
suamhaat tegeel ngaihdan kibaklouh pen, kei tuatdan in sil lamdang ahi. Aziak
pen sep-le-bawl kibangte kilemthei taangpi a, duh-le-ngaih kibangte zong
kilemthei taangpi hi. Hilezong hih suamhaat tegeel pen, a taktak a chih in,
Pasian lau kawm-kawm a suamhaat a pang chihbangte pen, sil hithei diing in ka
ngaihsun-thei kei hi. Tuaziak in hih Suamhaat Pasian laupa pen, utlou-sasa a
suamhaat a lutkha hi diing in ka gingta hi. Tuachiin a ngaihdan uh a hung
kibang kei a, ama’uh leh ama’uh a hung kinial uh hi.
Mikhial
chiatchiat i hih hang un, i lungsimte uh leh ngaihdante uh kibanglou a, ama
hihna kimuthei pawl, leh a kimutheilou pawl ki-om hi. Suamhaat tegeel lak a
khatpa’n a mawhna muthei a, khatpa’n mutheilou hi. Eite zong hih suamhaat tegeel mahbang in ki-omthei mawk hi. Eima mawhna
muh saang in mi dangte mawhna leh sil bawlkhialte muh pen baihlam zaw ahihna
ah, ngaihsut diing thu om hi. Nang leh na Pasian kikaal ah, mawhna leh dikna,
dik kisakna leh mawh kisakna bangteng a om a? Mi dangte mawhna bek mu-mu diing
i maw? Pasian in eima mimal mawhna kimu diing in hung deih a, hih i mawhnate uh
ziak a Vaangam luutna diing hamphatna amute i hi uh hi. Na mawhna na kimuhtheih
leh mawhna dang bawl nawn kenla, na kimuhtheih kei leh kimuta in.
SUAMHAAT
TAKTAKTE KUATE HI A, MI BANGCHIBANG MITE HI UH AHIA?
Suamhaatte
mizia a tomlam a gen in: Khoksakna omlou, Lungsiatna omlou, Hehpihna omlou,
Khawtuahna omlou, Midangte a diing khualna omlou, Talawmsam hi chihbangte
omlou, Dik kisakna hinkhua zang tawntung, chihte leh a dang tampite ahi.
Hih
suamhaatte mizia tawh kituaklou lungsim neite suamhaat hitheilou, or suamhaat
diing a chinglou chihna ahi. Eite zong, hih saumhaatte mah bang a, dik
kisaknate tawh hinkhua zang chihbang a ki-omthei diing in ka gingta hi. Paul in
Rome laikhaak ah, “Ka sil bawlte ka theisiam kei hi. Ka bawl utte ka bawl kei
a, ka bawl utlouhte ka bawl kha zawsawp hi (Rom 7:15). Aziak pen, ka sungah
hoih kichi mawngmawng a têng kei, chih ka thei hi, huapen khelhna pianken ah,
ka chihna ahi. Tualeh, silhoih bawl utna ka nei a, hilezong silhoih bawl
theihna ka nei kei hi (Rom 7:8),” a chih bang a, utlou-sasa a mawhkha, khialkha
zong ki-omthei a, utlou napi a khialte poimawh pen ahihleh Jesu Khrist ahi.
Utlou-sasa a khial Jesu tawh khailup diing a om, Suamhaat khatpa’n Jesu muta
ahihman in mi hamphapa suak hi. Hih suamhaatte mizia tamlou i gente uh ahihleh
Jesu’n a hinkhua uh a kheellouhte (piangthak loute) omdan taangpi ahi. Nang
bangchibang mi hi in na kimu a? Dik kisakna tawh hinkhua zangte lak ah na omkha
hiam? Pasian hehpihna nang sung a kipan in a lungkheta hiam (Pasian hehpihna
kum hizahpi ngahta chin a, mi dangte hehpih theilou nailou na maw)? Na sil
bawlte (Na zu dawn, na mi enghou, na teep-le-muam, na lungsim a na mi
simmawhnate, mi dangte Pasian khutsuak ahi chi a, na muhtheih louhnate) ah mawh
kisakna neithei nailou maw? Bangteng hitaleh, i khang uh, i nu-le-pate or
pi-le-pute khang, a kheel diing in Jesu beel ni. Tuni’n na khang Jesu kheelsak
in. I khang uh kheel hun hita hi.
PASIAN
IN THUPHA HUNG PIA HENLA, NA KHANG HUNG KHEELSAKTA HEN
Comments
Post a Comment