SAWM-A-KHAT

 

By: Pastor Thangdoulal Suantak

 

SAWM-A-KHAT tawh kisai in gen-le-sak a tam mahmahta a, milip in i theih chiattaak diing uh zong ka lam-en hi. Siam Khaute in sawm-a-khat tawh kisai a a thu gelhna ah, ‘Sawm-a-khat thu pen tulai a Pastorte or siate, taanglai mite gendaan hileh siampute’n a gen taktak ngam louh uh thu khat ahi a, a gen chiang un zong thupha ngah na diing bek in gen ua, hilezong ei mite lak ah, thupha ngah, a tu-le-tate khang dong a, niang-le-tai a om chih pen om khollou hi,’ a chi hi. Bangteng hitalezong, eite a diing a a theihnop diing in, dokna leh sawnna in, hih a nuai a bang in i kikum or enkhawm diing uh hi.

Dokna: Bang hunlai a kipan a Sawm-a-khat na kipia e?

Dawnna: Abraham hunlai a pan in sawm-a-khat na kipeta hi. Abraham in Siampu Melkhizadek kiang ah a na pia hi. Ginna lam thu a i Pa uh or Pasian gingtate Pa Abraham a kipan a hung kipan ahi a, Abraham bang a Pasian a ginna neite’n sawm-a-khat i piak diing uh chihna ahi (Pianchiil 14:20). Aziak pen Bible in, ‘Gal.3:7 Tuaziak in ginna a omte, Abraham tate ahi uhi chih thei un. Gal.3:29 Tualeh huachia Khrist a na hihtak ua ahihleh, Abraham suan, thuchiam dungjui a gouluah dingte na hi uhi,’ a chi hi.

Khrist tung a i ginna uh tungtawn a Abraham khaakte, leh Khrist tung a i ginna uh tungtawn a Abraham suan-le-khaakte tawh gouluah khawm diingte i hihna uah, nang na sawm-a-khat nap eta hiam? A kikheelma in pia in.

 

Dokna: Sawm-a-khat  kua-a or a nei kua?

Dawnna: Sawm-a-khat pen Pasian a ahi (Mal.3:8-10).

Sawm-a-khat sum or dangkate pen ei localte dangka or ei mission sum-le-paai hilou ahihman in, ei deihdaan a zak diing hilou a, eite ki-neihsak diing sil zong hilou hi.

 

Dokna: Pasian in a sawm-a-khatte bangchizak or kuate kiang ah a pia a?

Dawnna: Pasian nna a sem siampute leh Levite kiang ah Pasian in a sawm-a-khatte pia hi (Kisimpina 18:20-32). Taang 21, “Levite’n kimuhtuahna puanbuuk sung a nna a sepna man un, Israel gam a sawm-a-khat zousiah ama’uhte nna sep man diing in a kiang ah ka pia hi,” chi hi. Tualeh taang 24 ah, “aziak pen Ke’n Levite tanvou diing in Israel mite’n Toupa kiang a kithoihna silpiak a a piak uh sawm-a-khat Ka peta hi. Tuaziak in Israel mite lak a tanvou a neihlouh diing uh ahi Ka chih a hi,” a chi hi.

 

Dokna: Pasian nna sem, Siampute leh Levite baan ah, mi dangte’n sawm-a-khat a neithei diing uh hiam?

Dawnna: Pasian nna a sem, Siampute baan ah, sawm-a-khat a nethei diing Bible sung ah a om a, tuate Deut. 14:29 in kichiantak in na taaklangh hi. Ama’uhte ahihleh;

1. Levite (Pasian nna a semte).

2. Gamtuam mite.

3. Pa neilou, or tagahte.

4. Meithaite, ahi uh hi.

 

Dokna: Siampute leh Levite nna sepna mun khoitak e?

Dawnna: Biak-innpi sung ahi (Neh. 10:35).

 

Dokna: Sawm-a-khat peloute Pasian in bang hi a chi a?

Dawnna: Guta chi hi (Mal. 3:8-9).

 

Dokna: Thukhun Thak Bible ah Sawm-a-khat thu a kimu ei?

Dawnna: A kimu hi. Matt. 23:23 ah, “Nou laigelhmite leh Pharisai zuautatte aw, natung uh agik hi! Lounamsiate, lengmaselte, zirate sawm a khat nape jel ua, danthu poimoh jawte, diktatnate, hehpihnate, gin-omnate na limsak kei ua; ahinlah adangte bawllou a om tuanlou in hite zong na bawl ding uh ahi (Bible na simbeh ut leh; Lk. 11:42; Heb. 7:1-2).

Pasian A Diing A Na Gin-Omna Tawh Kituak In Toupa’n Thupha Hung Pete Hen

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more