PASIAN LAAUDAAN SIAM NUMEITE LUNGTANG DIING

February 07, 2025

By; Pastor Thangdoulal

Bible taang sim diingte: Pro. 31:30; 1Pet. 3:1-6.

THUPATNA:

Toupa laaudaan siam numei pen phat taak ahi hi. As in other contexts, the expression fears the LORD does not mean “be afraid of the LORD” so much as “honors the LORD” (CEV|prj:CEVUS06.PRO.31.30, TEV|prj:GNTD.PRO.31.30) or “reverences the LORD” (Scott). Tulai chiang in a taktak a Pasian mu omlou I hih man un, a taktak a Pasian zahtat ki-omlou hileh kilawm in ka mu hi. I pianthak masang ua I omdaan bangbang uh, I pianthak nung omdaan mah a hitou veve taangpi hi. Tep-le-nuam bawlte zong I khawl kei ua, mi gensete, zuau gente, a pasal leh a innsung mite a thupiakna (command) nuai a koihte, leh a kidiksakte zong I pai daan ngai un a pailai veve uh hi. Taanglai Hebrute bang a ginna tawh Pasian zahtaat theilou a, a taktak a Pasian I muh chiat uh bang ngai hileh kilawm mawkta hi.

A taktak a chih in, mi zousiah in Pasian i zahtta theih na diing un Pasian I mu chiat ua, hilezong I kiang ua Amah hung kilatdaan leh ei taksanna a baklouh ziak in I theikei uh hi. (Hilhchetna: Jn. 14:9).

Ø PASIAN ZAHTATNA DIING A LAMPI OMSUNTE:

o Nute a diing in;

§ Pasalte Zahtat Diing ahi. “Zi in a pasal a zahtaak teitei diing ahi.” -Eph. 5:22-33. 1Pet. 3:1; Col. 3:18.

· Etsakna: Sarah. 1Pet 3:6. (Abraham pen mi bukim hilou hi. Zuau gen ngailou hilou hi. Ama aangsung khual mi ahih ziak in, a zi midang (kumpipa) tawh a om khawm diing zong phal hi.)

· Sarah in Pasian tung ah a kinepna nga hi. Aziak pen a kiang ua thu chiampa muanhuai hi chih a taksang a, tuachiin tua taksanna in amah khaak neisak hi. Heb. 11:11.

· Pasian tung ah Sarah Tawldam hi (1Pet 3:4)

· A pasal a diing in kipumpiak hi (1Pet 3:5-6).

PASIAN LAUDAAN SIAM TEEK LEH MOU LUNGTANG DIING

Mouthak i chihte uh a sawt-sawt chiang in teek a suak uh a, teek i chihte uh zong mou a hung kipantoute vive ahi uh hi. Teek leh Mou kichi pen, Moului leh Mouthak ahi a, a kilemloute pen, Mou leh Mou kilemlou ahi.

TEEKTE (MOULUITE)	MOUTHAKTE
ü Hih ka mou pen, ka tapa zi hi.	ü Hih ka pasal pianna a nu a hi.
ü Ka tapa ka it leh, amah zong peelmawh a ka it diing ahi.	ü Ka pasal ka it leh, amauh zong peelmawh a ka it diing ahi.
ü A nu, a pa nuse zeen in kei kei hung beel hi.	ü Ka nu, ka pa bang a kei hung keem diingte ahi.
ü Hung khoi, hung vaak diing a hung kipia ahi.	ü Hung khoi, hung vaak diing a Pasian hung guatsak ahi.
ü Ka kepsiam leh, kei meetna, ka kepsiam kei leh kei supna ahi.	ü Ka kepsiam leh, kei meetna, ka kepsiam kei leh kei supna ahi.
ü Ka tapa it ahih chiang in, kou zong hung it diing hi.	ü A tapa uh it ka hih man in, ama’uh zong ka it diing ahi.
ü Mou chi-chi nawnlou in, ka tanu ka chi diing hi. (Ruth 1:11).	ü Ka pi uh, chi-chi nawnlou in ka nu ka chita diing hi.
ü A nat-le-sat chiang a ka kep a, ka khoi diing ahi.	ü A nat-le-sat chiang a ka kep a, ka khoi diing ahi.
ü A nunglam zong ka vaanpih kuul hi.	ü A nunglam zong ka vaanpih kuul hi.
ü Mou keemsiam teek hi diing in, ka haanchiam diing hi.	ü Teek keemsiam Mou hi diing in, ka haanchiam diing hi.

Hih a tung a I gente uh tawh kituak lungsim a pua numei pen phat taak taktak ahi a, hilezong a neiloute pen, ama’uh leh ama’uh a kituisa buak toutou diing uh hi. Tuaziak in tuni a nute khawmpi mang a hung kuan nute tengteng in pan lathak ni hang in, a tung a I gen uh Pasian paidaante tawh kituak I hinkhua uh thaksuah ni. Amen!

TONGKUP-ZAITHA