NUPA KIKHENNA THU, BIBLE GENDAN
Matt. 19:9 (KJV): “And I
say unto you, Whosoever shall put away his wife, except it be for
fornication, and shall marry another, committeth adultery: and whoso marrieth
her which is put away doth commit adultery.”
Thangkhal: Ken
vang k’ung hilh ahi, Kuapeuh angkawmna ziak hilou a, zi khul a mi dang tawh
kiteeng pen angkawm ahi; kuahileh khulsa (numei) tawh kiteng zong angkawm ahi,”
a chi hi.
Mi tamtakte leh Laisiangthou theihsiamna
nei kisa mi pawlkhat in, hih Bible taang sim in, angkawmna ziak a hihkei ngal
leh, kikhenna omthei kei e, chi in angkawmna ziak a kikhen pen omthei e, chih
ngaihdan a nei uh hi. Hilezong angkawmna ziak a kikhen a lem diing leh, Matt.
19:9 tawpna lam a, ‘Zi khul a mi dang tawh kiteeng pen angkawm ahi,’ chiin gaak
nawnlou diing hi. Zi khul a siangkei a chi ka hikei a, zi neihthak, pasal
neihthak pen a dikthei taktak kei, a chi ka hizaw hi.
Kikhul thu tawh kisai pen, gen-le-sak a
tamluat man in, i muhdan leh theihdante uh saang in, Bible taang mahmah hih a
nuai a bang in i kihilhchiansak zaw diing uh hi.
1.
Angkawmna ziak a Kikhenna a Dik Taktak Diam??
Deut. 24:1-4, “Pasal khat in numei khat a
kiteenpih a, a kiteenkhit ua a zi tung a genbaanna khat a muh ziak a a lungtun
kei leh, tuachiin kikhenna lai gelh in a kiang ah a pe diing a, a inn a kipan a
pawt diing in a sawlkhia diing hi; tuachiin amahnu zong tua pa inn nusia in a
pawtkhia diing hi. Amahnu’n tua pa inn a nusiatkhit a pasal dang khat a vaneih
thak leh, Tuachiang a a pasal nihna zong amahnu tung a lungtunglou a, kikhenna
lai a kiang ah a piakkik leh, tuachiin a inn a kipan in a pawt diing hi (ahihke’h
a pasal nihna pen a sih leh); A pasal masa, a inn a kipan a nawtkhe masa pa’n,
buahsak a a omkhit chiang in, a kiteenpih thak theikei diing hi; tua pen Toupa a diing a sil kihdak-huai ahi a, Toupa na Pasian un
na luah diing ua a hung piakna gam ah, mawhna tunkei un.”
Matt. 19:3-9, “Pharisaite zong a hungpai ua,
amah ze-etna diing in, “Bang ziak peuh in mi`n a zi khul leh a siang diam?”
achi uhi. Aman a dawng a, “A chiil a kipan a ama'uhte siampa’n numei leh pasal
a na siam hi, chih Laisiangthou simkhalou maw? ‘Hihziak in pasal in a nu leh pa
nusia in a zi a tu tinten diing, tuachiin nih pen sa pumkhat a hung hi diing uh
hi,’ achi hi. Tuachiin ama’uh nih ahi nawnkei ua, sa pumkhat a hizawta uh hi.
Tuaziak in Pasian gawmsa mihing in khen kei hen,” achi hi. Ama’un (Pharisaite)
a kiang ah, “Ahihleh bang diing a Mosi in khulna lai piak a khul ding ahi
chia thu a piak e?” achi uhi. Aman a kiang uah, “Mosi in na lungtang uh
khauhziak a, na zite uh khul a hung phalsak ahi. Hinanleh a chiil a kipan in hibang
ahi-ngai kei hi. Ken vang k'ung hilh ahi, kuapeuh angkawmna ziak hilou a, zi
khul a midang tawh kiteng pen angkawm ahi; kuahileh khulsa (numei) tawh kiteng
zong angkawm ahi,” a chi hi.
Matt.
5:31-32, “31
“Hibang in zong ana kigen hi, ‘Kuazong zi khul in, khulna lai a kiang ah pia
hen’. Hilezong tun k’ung gen hi: kuazong angkawm ziak hilou a, bang-ekhat ziak
a zi khul in, amah angkawmsak ahi a; tualeh kuazong khulsa numei kitenpihte
zong angkawm ahi uhi, ka chi hi.
2. Toupa’n Kikhenna Hua Hi.
Mal. 2:16, “Aziak pen Toupa Israel Pasian in kikhenna ka hua, a chi a, tualeh
gumtatna a puansilh khuhpa ka mudah, gaalkaapte Toupa'n a
chi hi. Tuachibang ahih ziak in, zuautat lou diing in pilvaang un.
1Kor. 7:10-11, “Tualeh kitengsate kiang ah
thu ka pia hi, kei piak hilou in Toupa piak a hizaw: zi in a pasal paisan kei
hen; Hinanleh a paisan leh pasal neilou in omden hen. Ahihkeileh apasal
tawh kilem kik uhen, tualeh pasal in zi khul kei hen.”
1Kor. 7: 39, “Zi pen a pasal damsung teng
daan a hen ahi a, hinanleh Toupa a om mi ahih naak leh, a pasal a sihleh a deih
taphot a kitenpih thei hi.”
Rom. 7:2-3, “Numei pasal nei pen, a pasal
a dam laisiah, a pasal daan in a gak ahi hi. Hinanleh a pasal a sihleh pasal
lam thu ah, daan a kipan in khahkhiat in a om hi. Tua numeinu’n a pasal damlai
a midang a kitenpih leh, angkawmnu a kichi ding hi. Hinanleh a pasal a sihleh
pen, hua daan a pat a zalenta a, midang tawh kiteng nanleh angkawmnu a kichi
kei ding hi.
Bible Hunbi Khennate (Dispensations) Na
Gingta Hiam?? Pasian in leitung mihingte tung a a thukhennate, a vaihawmnate,
leh ama’uh hun chiat a A lam-etnate pen a kibang kei a, tuachiin hihte pen
Pasian hunbi a khennate chi in, mi siamte suutdan taangpi ah, sagih in a khen
uh hi. Tuate lak ah tu hun a eite omna hunbi pen Saptuam Hun (Church Age) achi
uh hi. Ahihleh, hih Saptuam Hun sung a om eite tung a Pasian kinepna or
lam-etnate i taangtun zou diam? Ahihkeileh, eite hun a tun masang a mite
mahbang in, eite’n zong i hun sung uah Pasian i lawhsamsak diing uh hiam??
Na lawhsap ut leh, Pasian lawhsamsak inla,
na lawhchin ut leh Pasian lawhchingsak masa in. Nang pen Pasian tawh kinaksai-khaak
lua na hi.
Toupa Pasian in theihsiamna thupha hung
pia hen!
Comments
Post a Comment