TONGKUP-ZAITHA 19062024

 


__✍🏻 Pastor Thangdoulal Suantak

Leitung a diing in bangmah i hikei maithei hi.

Hichibang ahihlai in, mi khenkhatte a diing in leitung chia a lian i na hidap maithei hi.

Mi kua hitaleh, a kithupisakna leh a kiletsakna mizia tungtawn in mi tamzawte a diing in mi nawngkai a hikha thei diing hi. Hilezong ki-ngiamkhiatna in eite i kilamdansuah diing uh hi. Aziak pen hih ki-ngiamkhiatna mizia in mi lian leh mi haat in eite a hung siamzaw hi, chih mangngilh kei ni.

Mi tamzawte hinkhua ah thulaklouh hiam, i va-tuitumkei zong in, kua hiamkhat hinna ah poimawhna liantak i na neikha ngei diing uh hi. Hichibang ahihziak in i lungsim hiam ahihkeileh i dinmun hiam, a poimawhdan en in, khat penpen i kheel theih uh hi. Mi lawhsamte mi kikheel theiloute ahi uh chih chiamteh ni.

Poimawhna leh manphatna i neihna mun uh a om ngei diing hi; hichibang in poimawhna leh manphatna i neihlouhna mun uh zong a om thamtham diing chih i ngaihtuah thak diing uh hi.

Khoi pen ah i om tamzaw a, khoi pen in i lungsim uh a luahdimzaw a? Hih ahi pilvangtak a i ngaihtuah diing uh. Sil poimawhtak ahi.

Mi khenkhatte lak a i khatvei sil bawlkhial pen a kilang mahmah a, hichi ahihlai in mi khenkhatte a diing in gentham zong a hikei maithei hi. Ei hung ngaihsakte, hung poimawhte leh nawngkai hungsate kikaal pen, lungsim chiimtak a etkaai a hoih mahmah hi.

Ei ziak a nui leh kipaktak a om diing mi a om a ahihleh, kiletsaknate nusia in, kithupisakna a kipan in kumsukzaw lehang, hoihzaw lou diing hiam? Hoihzaw thamtham hi.

Nawngkai leh manphatna neilou a hung koihte lak a kipan in, pilvaangtak in kihemkhia ngam mai lehang, a hoih mahmah diing hi, chih in ka ngaihsun hi.

Mi zousiah i manpha chiat uh hi; hih thu i muhsiamna diing un i lungsim uh siamthak hiam leptuak hiam a ngai zeelzaw hi. Mailam a i hoihna uh ahihna diing in, tu a i omna uh leh i dinna mun uh hoihtak a et a poimawh mahmah hi.

Mi khat a diing a na poimawh a ahihleh amah a diing in hun siamsak in, sil hoih ahi. Na zi, na pasal, na tate, na nu leh na pa, hua hitaleh, amauh a diing a poimawh na hih a ahihleh, amauh a diing in hun siamsak in, sil hoih leh manpha ahi.

Toupa’n hung ompih chiatta hen…

Comments

Post a Comment

Popular posts from this blog

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more