JESU KHRIST NA OMLOU HILEH!

By: Pastor Thangdoulal Suantak

 

Pasian Lai Siangthou, Laate 16:2 na in, “Toupa kiang ah, ‘Nang ka Toupa na hi a; nang lou in hoihna bangmah ka neikei’ ka chi hi,” a chih thu pen eite kam a kipan hileh, chih a lunggulh huai mahmah hi. Bangteng hileh, Jesu Khrist na omlou hileh, tuni in mite’n bangchiin a hong thei diing ua? Chih ngaihsut a neikawm in, ngaihdan tamlou i na kikumkhawm diing uh hi.

A taktak a chih in, eite kilawmna zousiah leh et-lawmna tengteng pen Jesu Khrist vaang ahi hi. Jesu Khrist saang a gougil leh manpha bangmah a omlouh lai in, khat veivei Jesu saang a manpha-zaw a i tuat uh, manpha taktak a i koih uh sil zong a omthei zeel hi.

Leitung a i natna thuaklah mahmahte uh lel in vul in lung-lel mahmah lehang zong, a tawpna ah, Jesu Khrist na omlou hileh…. Chih mah ahi zeel hi; tuachiin Jesu na omlou bang hitaleh, hua a i khualzinna lampi uh pen, khaak in a omkha ta-diing hi.

Pasian hehpihna thupi leh liantak in, i unpi un a hung kankhawm a, hua mah i hinpih un, i dampih uh hi.

Mi khat, amin Clement kichipa tanchin tamlou na ngaihsun ni.

Amah ahihleh Nigeria gam a piang leh khanglian ahi a, Khristian hoihtak zong ahi hi. Kum khat, Workshop/ Seminar khat ah ka pangkhawm kha ua, hua tuung in amah pen a kilamdang mahmah mai hi. Amah pen scientist hon omkhawmte lak a din diing a zumkei a, tuachiin a kammal/ a thugen chiang kholkei lezong, dokna gil leh manpha taktakte dong in a dingtou tamialmual hi.

Tualeh amah pen a maitai mahmah a, a meel muh zong a nuam a, kou-teng lak a upa/ taak pen leh piching pen ahithei mai diing hi. Amah tawh Facebook tungtawn a ka ki-friend khit un, a tanchin theih sawm in ka zong a, tuachiin zi neisa ahita chih ka va-mukhia hi. Tuachiang in amah tawh ka kimuh masak ni un, lawmte kiang lak a, amah pen zi neisa hita e, chi in ka chiammuih hi. Tualaitak ah a nui meel pen a hung kilamdang ngal mai hi. Tuachiin ama’n, Va-en thak in, a story na theikim naikei hi; tanchin lungsiat huaitak kiphumna ahi,” chi in, nuaih maai tak in a hung dawng hi.

Himah e, hua tangval maitai zing a ka theihpa’n sunglam lunggil sung ah, liamna maa lianpi a na neikha a, a it mahmah a zi itlai in, a ta uh nihna pen a neihlai in, a taangtawn mun diing a na zotsan, a na hi mawk hi. Hih thu ahi, ama’n a hung hilh, Jesu Khrist na omlou hileh…!

 

✝️ GOSPEL MESSENGER✝️