ZI HOIH MANPHATNA CHI/NAM 20TE
~ Pastor Thangdoulal Suantak
Zi hoih muh diing pen hamsa mahmah ahihman in Bible
in, Kua'n zi hoih a muzou diing a? Amah suangmantamte saang in a manphazaw hi.
Chi in Paunakte 31:10 na ah a na kigelh hi. Tualeh Bible simlou leh gingtalou
hiam ahihke’h a theipha loute a diing in zi hoih muh diing haksat dan pen mitto
pa lawi zon tawh kibang ahi, chi in a kigen hi. Hichibang ahihziak in tuni in
zi hoih manphatna chi/nam 20te i taaklangh diing uh hi.
Tualeh zi hoih hih baan ah, a pasal leh a innkuante a
diing manpha mahmah numei pen, phattaak ahi a, tualeh innsung limsak a,
khotuahtak a kep a, hawmthohtak a it diing zong, a phu mahmah uh hi.
Tuachiang in, Zi Hoih Leh Manpha Chih In A Gen Nuam
Bang Ahia? Chih tawh kisai in gen-le-sak a tam mahmah a, hilezong tuni eite’n i
gen nuam uh ahihleh, MANSA A OMNA ahi. Zi hoih leh Manpha i chihte uh MANSA a
OM chih in i gen ut pen ahihleh, nupa a i kinial khak hiam, innkuan a thupukna
lak diing thu khawk a om chiang a, a pasal thupukna bangbang zom diing a mansa
omna ahi hi.
Tualeh zi hoih i chihte uh pen, a pasalte uh bukim
louhna a thei siamte leh a pasalte uh bawl hoihna diing a panla tetaw hilou in,
a pasalte uh hihna dan bangbang leh, sep khial bawl khial a neih chiang ua, a
pasalte uh hihna dan bangbang a, ama’uh leh ama’uh ki-adjustte ahi uh hi.
Tualeh numei khat a diing in, zi hoih hih diing tupna
saang in, mi hing khat hihna ah, attribute hoihtak neih diing tupna in, nu hoih
a suahzaw hi. Innkuan damtheihna diing leh khantoihna diingte baan ah, innkuan
nopna diing pen, nute tawh kisaipha mahmah ahihna ah, hih zi hoih manphatna
20te hoihtak in i na ngaikhia diing uh hi.
Ngaihsakna leh Lainatna Adim.
Zi Hoih in a hinkhua ah Ngaihsakna leh Lainatna a suah
tawntung hi. Ama’n innkuan taaksapna a ngaihsak a, tuachiin a theihtawp a suah
hi. A pasal lungkham a, a kithangpaih suah hun chiang in zong a theisiam a,
tuachiin a lungdamna diing a zonsak hi. Lainatna leh Ngaihsakna a a hauhsakna
ziak in a innsung a bangmah a kisamlai om in a kilangkhia ngaikei hi.
Amah Pen Sil Neu Nounoute Ah Zong A
Sensitive Mahmah Hi.
Zi hoih i chih chiang in, innsung leh a kiim a sil
tungte theilou in a om heekhawk kei hi. A pasal in ngaihsut thamlou a, a tuatte
ngaihsut lou in a omkei a, it meeltak leh ngaihmeeltak in a pasal a pahtaat a,
hua in a pasal tha a guan mahmah hi.
A Pasal Tawh Hun Manphatak in a Zangkhawm
Hi.
A pasal tawh hun awl, nuatak a zakkhawm na diing a hun
neilou zi kichi pen zi hoih leh manpha hithei mawklou ahi. Sep diing bawl diing
tampi nei in buai chihtak in buai lezong, zi hoih in a pasal tawh hun nuam leh
manphatak a zakkhawm theihna diing un hun a piazaw hi.
Nupi khenkhat in a pasalte uh tawh hun
awl or hun nuam a zangkhawm kei ua, a zakkhawm theihlouhna diing uh ziak tampi
nei in, suanlam tampi a a nei uh hi. Hilezong zi hoih in hun manphatna
theisiamtak in, a pasal tawh hun nuam a zakkhawm theihna diing uh lemtaang a
zongzaw hi.
A Pasal Tha-piakdan Siam
Pa hinkhua a Nu mawhpuakna poimawh pen
ahihleh hanthawntu hihna or a pasal tha-ngahna hihna leh pasal supporttu hih
tawntungna ahi.
Nopsak hun leh Haksat hun a zi hoih
manphatna pen ahihleh a pasal a hanthotna leh a supportna tungtawn a, a itna a
suklatna ahi.
A Pasal Zahdan Siam or
Respect Mahmah Hi.
A pasal zah diingdan theilou nupi khat
pen, zi hoih hi ngailou diing hi. Tualeh kiteenna lawhchinna kizonna leh
kilatna ahihleh Respect or Kizahtaatna ah ahi. Tuaziak in tangval na hih a, zi
hoih lunggulh na hihleh, mi zahdan siam numei zong leteh na khialkei diing hi.
Zi Hoih leh Manpha in a
Innsung ngahsak Masa Pen Hi.
A innsung ngaihsak pipen a neithei lou
Nu khat pen, Zi hoih leh manpha ahi theikei diing hi. Zi hoih ahihleh a pasal a
tate lungnopna diing ngaihsun in, a sep a bawl uah extra in pang uh hi.
Zi Hoih leh Manpha
kichihte pen, a pasalte uh best friend leh lawm ngaih pente ahi uh hi.
Zi hoih sung ah kheemna a omkei hi;
aziak pen amah a diing in a pasal pen, a neihsun leh a lawm ngaih pen ahi hi.
Buainate Sukvendan Siam/
A good Problem solver chih ahi.
Nupa hinkhua a zi hoih manphatna
mahmah khat ahihleh buaina a sukven siamna ahi.
Zi hoih in buaina tuamtuamte a pasal
sukven diing or solve diing in a nusia kei a, hilezong a pasal nungthuaptu a
pang in, buaina a tuahte uh sukvenna diing in a pasal doupih hi.
Zi hoih in Teamwork
Poimawh Ngaih hi.
Nupi khat pen, zi hoih a hih leh
hihlouh tehna ahihleh, mi dangte tawh a sepkhawm siamna leh active team player
ahihna ahi a, ama’n sil khat pouhpouh a
pasal mawhpuakna bek in a ngaihsun kei a, a pasal a panpih zaw hi. Sapte’n, “A
good wife knows that collaborative efforts keep the marriage intact as
everything goes smoothly” a na chi uh hi.
Zi Hoih in a Pasal
tokbuai ngailou hi.
Zi hoih pen a pasal a diing a buaina
ahi ngaikei hi. Tualeh zi hoih in a pasal thupuuknate a zahtatt a, a tokbuaitu
in a pang ngaikei hi.
Zi hoihte Romantic hi.
Romance hun a hih chiang in, zi hoih
in nupa hihna a kipumkhatna dan a theisiam hi. Tuachiin a pasal kilawp theih na
diingte plan a nei in, romantic huang ah a pasal a hiipluut hi.
Zi Hoih in suanlam a
bawl ngaikei hi.
Zi hoih pen amah tung mahmah leh a
thugente tung ah a thudik mahmah a, Copycat mizia a neikei hi. Tualeh amah a
diing in a pasal leh a kiteenna uh a thupi pen ahiziak in suanlam a bawl
ngaikei hi.
Zi hoih leh manphate’n
khantouhna diing thute a gen uh hi.
Mi dangte tha-nem theihna diing leh
lungkiat theihna diing thu gen haat zi pen zi hoih kichi theilou diing a, zong
zi manpha lak ah kisimtel theilou diing hi.
Zi hoih in a pasal
manphatna pulam ah suahkhia hi.
Zi hoih nna sepkhiat poimawhtak
ahihleh, a pasal manphatna, pilna leh siamnate, a pasal sung a iimchihmihna a
kipan a, pulam a suahkhiat a, a pasal a tuna diing chiangtan a tunsakna ahi.
Zi Hoih pen thu ngaih
kuhkal hi.
Zi hoih piankente lak a poimawh mahmah
khat ahihleh thu ngaihkhiatna/ thu ngaikhia diing a bildawhna ahi. Aziak pen,
hih thu ngaihkhiatna in kihoulimna leh kithuzak tuahnate a chidamsak hi. Hih
pen a zaa maimai hilou a, a ngaihkhiat a, a pasal a theihsiamna diing ahizaw
hi.
Zi hoih manphatna
ahihleh a Pasal lawhchinna a kipahpihna ahi.
Zi hoih in a pasal lawhchinna leh
lawhsapnate bek a simkei a, a pasal in a lawhchinna diing a, a panlaknate a
theihsiampih a, tualeh a pahtawi hi. Ta leh nau tawh om ahihleh, ama’n a pasal
lawhchinna a akipahna tungtawn a, a tate’n zong mi lawhching hih diing a
lunggulh theihna diing un, a pasal lawhchinna pen thangsiat-huai khop phial in
a kipahpih hi.
Zi hoih manphatna pen
gin-omna ahi.
Pasal khat in a zi a taksanna diing
in, simsenglouh khop a, a zi gin-omna a etkhiat zong a na ngaikha diing hi.
Nupa hinkhua chidamna leh damsawtna
pen gin-omna mizia neihna ah a ki-nga mahmah hi. Gin-omna mizia neilou in,
kuamah zi hoih leh manpha ahithei kei hi.
Zi Hoih manphatna pen,
Lupna tung a lunggel siamna ahi.
A taangpi in pasalte’n numei lupna
tung a lunggel siamte leh a thukupsiamte a it theih deuh uh hi. Tualeh Pasal
khenkhatte a diing ih hih pen zi hoih hihna diing a mizia poimawhtak ahi nalai
hi. Numei hoih in lupna tung a, a pasal lungkimsak diingdan a zongkhia a,
tuachiin a pasal in pulam a enkei hi. If her husband loves a certain sex style,
she masters it and gives him the best in bed.
Zi hoih manphatna pen,
khalam hinkhua a ngaihsakna ahi.
Zi hoih in khalam hinkhua a ngai
poimawh mahmah hi. Tuachiin a pasal leh a innkuante a diing in thu a ngen
tawntung hi. Tualeh a pasal tawh ginna a a kipumkhatna uh a khauh a, a nupa
kaal uh a damtheih semsemna diing in, a pasal khalam hinkhua zong a hoih leh
hoihlouh a enchain hi. Hih khalam hinkhua ngaihsak lou numei pen, zi hoih leh
manpha a hi ngaikei diing hi.
Zi Hoih manphatna pen, A
pasal leh a innsung a diing a, positive-tak a hinkhua a zakna ahi.
Innsung a banghiam sil kilawmlou sim
bang omthei diing a, a kilat chiang in, zi hoih in positive attitude a neih
ngai ahihna a theisiam hi; tuachi a sil omdante a hoih zomtheihna diing in.
Thukhitna:
Bangteng hileh, zi hoih manphatnate
lak a poimawh mahmah khat ahihleh, zi in a innsung pen, mun bit leh innkuante
khantouhna diing leh khosakna diing a hoih pen ahihna a theihsiamna ahi. Ching
in chingkei taleh, tuni a i theih uh tu a zah ahihtaak man in, om nuam chiatta
ni… Mangpha
Comments
Post a Comment