THU HING, SIL BAWLTHEIHNA NEI


~ Pastor Thangdoulal Suantak

 

 Pasian Lai Siangthou, Hebrai 4:12 na in, “Pasian thu pen a hing a, sil a bawlthei a, temsau hiamtuah saang in ahiamzaw a, hinna leh kha, tualeh guh-le-teeng kisuktuahna leh chintuiguh khenthei khop in a sunthei a, lungtang a ngaihtuahnate leh tupte thei khenthei ahi,” a chi hi.

Pasian thu Lai Siangthou a i muhte uh ahihleh Pasian tawh kizom ahihziak in a hing hi.

Tualeh Pasian thu pen a hing ahihziak in, hingzing Pasian sil bawltheihna a nei a, mihingte khutzak pipen hiam-hei leh vanhzak tuamtuamte leh hoih mahmah a i tuatte uh saang in sil a bawlthei zaw hi. Mihingte taksa peng zousiah baan ah hihna teng leh sunglam lunggil dong fangsuak thei ahi a, mi sual leh paupeng, a gilou penpen a kichiamteh mite na-ngawn zong, hinkhua thak pia in, a siam lamdang thei hi.

Pasian thu thei a, a zui mite zong a hinkhua uh a siangthou a, Pasian thu in a zoh gam leh nam zong a gaalmuang zeel hi (Ei gam ahihleh, i tu dinmun uh et in, Pasian thu in a hung zohlouh hileh kilawm mahmah a, ginna lam ah a gaalmuang bang a i kilat ziak un, mi zousiah in pan i lak thak uh a poimawh mahmah hi).

Pasian thu gingta a zui mi i hih ua ahihleh, mi dangte’n zong i hinkhua uh tungtawn a Pasian a muhna leh Pasian theih thakna kichite bang a neilawh uh ngai in a kilang hi.

Pasian thu pen, eimah a kipan a, a hing ahihna mi dangte’n zong a muhtheih na diing un, i tu hun ua kipan beek in pan i la thak diing uh hi. 🙏🏻🙏🏻🙏🏻

 

       🎍🎍🎍🎍🎍🎍🎍🎍🎍

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more