PASIAN DEIHSAKNA NGAHNA DIING IN NUSIAT NGAI A OM HI


~ Pastor Thangdoulal Suantak

 

Eite kiang a Pasian hung kilakna Lai Siangthou, Gen 13:14-15 na in, “Lot in Abram a tuam omsan khit in, Toupa'n Abram kiang ah, “Tu'n dak inla, na omna a kipan in mallam, simlam, suahlam leh tumlam en in; na gam muhna zousiah nang leh na suan-le-khaakte kiang ah, tangtawn a diing in k'ung pe diing hi,” a chi hi.

 

Pasian ina deihsak mi khat hihna diing in paisan a nusiat vengveng ngai banghiam a om chih hih Lai Siangthou taang ah pan in kichiantak in a muhtheih hi.

 

Abrahama kiang a Lot a om sung in, Pasian in Abraham thupha a pia theikei hi. Pasian a kipan a, a thupha ngah diingte, a it mahmah a sanggampa tapa Lot, sap a pangloupa a kiang a a omsak pen in, a theihlouh kaal in a na daal khiinkhian hi.

 

Eite zong ki-en lehang, i hinkhua ua i paihkhiat zohlouh uh leh kiptak a om, kha lam a thupha i ngah diingte uh i ngah theihlouh lawhna uh a om kha-diing hi; Pasian in a hong chihpih louh banghiam i na khemvom uh/ i na vomdap uh a om laisiah Toupa haatna i hinkhua uah i zangthei kei diing uh hi.

 

A lamdang mahmah khat ahihleh Pasian in a sapkhiat Abraham kiang a teeng Lot in, Abraham zaalzou a Pasian thupha tampi a ngaha tuachiin belaam honte, bawng honte tampi a neihna thu ahi.

 

Pasian a gin-om mahmah Joseph zong, a omna mun zousiah ah thupha a luanglut zeel a, Aigupta/ Egipt gam in zong hauhsakna thupha tampi a ngah lawhna uh zong amah Joseph ahi hi.

 

Ama’uhte mahbang in, nang leh kei zong, Jesu Khrist neitu i hihna uh ziak  uh leh i Pasian neihna uh vaang ah, i kiang ua omte leh i hinkhua ua hung lut a omte’n zong, Pasian thuphate, thupitak in a ngah lawhthei uh hi.

 

Hitalezong, Toupa hung lamkaihna lampi ah, Toupa a diing a nawngkai huai silte a omthei kha-diing a, tualeh eite’n zong i theihlouh kaal un, i na kemdap un, i na vomdap maithei kha-diing uh hi. Hichibang a Toupa a diing a nawngkai huai silte i hinkhua ua i sihsak ua, i vui-liam ngam ua ahihleh kha ah halhthakna i ngahthei diing uh hi.

 

Lai Siangthou, Genesis 25:11 na a i muhbang un, Abraham a sih nung in, Pasian in a tapa Isak thupha a pia hi.

A omdan pen, Isak in Pasian thupha a ngahna diing a, a Pa Abraham a sih phot ngai chihna ahihtuak a, a lamdang mahmah hi.

 

Hichibang mah in, eite zong, a paing masa i Eden lui pen uh a sih phot kei leh, kha lam ah Pasian thuphate i ngah theikei diing uh hi.

 

I maiteh-huak tawh theihtawp i suah hang, a kimkhat zong i gen zoukei uh hi; hitalezong, i genta-sunte, a thu neipa Toupa Pasian thupina hita hen… Amen

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more