MI DANGTE DIA THUPHA

By: Pastor Thangdoulal Suantak

 

Mi khat in lamlian gei a Mercedes Car hoihtak a na ki-ngam numei khat a mu kha hi. Hoihtak a a etchian a ahihleh a Car tyre a na theep a, hua pen numei khat a diing a baihlamtak a kheeng diing chi a hi kholkei hi.

Tuachiang in hua mipa in, amahnu panpih in a Car tyre kheeksak diing in a kisa a, hibang a nna a sep sung a, amahnu a Car sung a na tawldam diing in a gen a, tuachiin sawtlou sung in a kheeksak zouta hi. Amahnu’n zong kipah thu genna dan in sum piak a sawm a, hilezong amahpa’n mi dangte panpih thei a a omna pen a kipahna ahihdan thu a gen kawm in, amahnu’n zong mi dang panpih ngai a muhkhaak a ahihleh tuni a amahpa’n a panpih bang a panpih sam na diing in a hilh a, tuachiin a kipaisan tuakta uh hi.

Saulou a taai nung in hua numei pen Restaurant ah a khawl a, tualeh hua Restaurant a amahnu na welcometu numei in nau a paai hi chih a thei hi. Tualeh amahnu’n hua Restaurant a khawl nuam a sa a, tuachia nuamtak a om a, a nek khit in kipah thu genna in Dollar 100 a pia a, a pawtkhiat diing kuan in, napkin nuai ah Dollar note zong a nusia a, tuachiin a paikheta hi.

Numei naipaai nu in hua nu sil bawldan lamdang asa a, amah a diing a kipahman tampi a nusiat ziak in a kipak mahmah hi.

Hua ni, nitaak a vaaitun in, a pasal in lungkhamna a nei hi chih a thei a, tualeh a nau neihna diing uah sum tampi a poimawh ngei diing chih, a pasal in a na ngaihtuah pipen mah zong ahihziak in a na lungkham taktak hi. Tuachiang in a zi in, “Lawm aw, lungkham ken, Pasian a hoih ahi, tuni in numei khat lawm man sum tampi a hung pia hi,” a chi hi.

A zi kiang a lawmman dan a sum tampi petu numei ahihleh a pasal in a na panpih a, a Car tyre a na bawlsaknu ana hi khiinkhian mawk hi. Pasian in itna petute kiang ah itna mah a pia hi.

 

KOLOSA 3:14

 Hinanleh hih silte zousiah tung ah itna tawh silh khawm un, hua pen bukimna kankhawmna ahi.