MI DANGTE DIA THUPHA

By: Pastor Thangdoulal Suantak

 

Mi khat in lamlian gei a Mercedes Car hoihtak a na ki-ngam numei khat a mu kha hi. Hoihtak a a etchian a ahihleh a Car tyre a na theep a, hua pen numei khat a diing a baihlamtak a kheeng diing chi a hi kholkei hi.

Tuachiang in hua mipa in, amahnu panpih in a Car tyre kheeksak diing in a kisa a, hibang a nna a sep sung a, amahnu a Car sung a na tawldam diing in a gen a, tuachiin sawtlou sung in a kheeksak zouta hi. Amahnu’n zong kipah thu genna dan in sum piak a sawm a, hilezong amahpa’n mi dangte panpih thei a a omna pen a kipahna ahihdan thu a gen kawm in, amahnu’n zong mi dang panpih ngai a muhkhaak a ahihleh tuni a amahpa’n a panpih bang a panpih sam na diing in a hilh a, tuachiin a kipaisan tuakta uh hi.

Saulou a taai nung in hua numei pen Restaurant ah a khawl a, tualeh hua Restaurant a amahnu na welcometu numei in nau a paai hi chih a thei hi. Tualeh amahnu’n hua Restaurant a khawl nuam a sa a, tuachia nuamtak a om a, a nek khit in kipah thu genna in Dollar 100 a pia a, a pawtkhiat diing kuan in, napkin nuai ah Dollar note zong a nusia a, tuachiin a paikheta hi.

Numei naipaai nu in hua nu sil bawldan lamdang asa a, amah a diing a kipahman tampi a nusiat ziak in a kipak mahmah hi.

Hua ni, nitaak a vaaitun in, a pasal in lungkhamna a nei hi chih a thei a, tualeh a nau neihna diing uah sum tampi a poimawh ngei diing chih, a pasal in a na ngaihtuah pipen mah zong ahihziak in a na lungkham taktak hi. Tuachiang in a zi in, “Lawm aw, lungkham ken, Pasian a hoih ahi, tuni in numei khat lawm man sum tampi a hung pia hi,” a chi hi.

A zi kiang a lawmman dan a sum tampi petu numei ahihleh a pasal in a na panpih a, a Car tyre a na bawlsaknu ana hi khiinkhian mawk hi. Pasian in itna petute kiang ah itna mah a pia hi.

 

KOLOSA 3:14

 Hinanleh hih silte zousiah tung ah itna tawh silh khawm un, hua pen bukimna kankhawmna ahi.  

Comments

Post a Comment

Popular posts from this blog

Khutsiam Silbawlte Saang in Pasian Bawlte Thupisak Ni

Image
By: Pastor Thangdoulal Suantak Leitung mihingte’n lamdang a sak mahmah uh sil chii sagih a om a, tuate pen ‘Seven wonders of the World,’ chi a theih in om hi. Hih a lamdang chii sagihte tengteng pen, mihingte khutsiam silbawl ahi a, khut a bawl nnate leh mihingte khutsuakte ahi hi. Hilezong nang pen, mihingte khutsiamna a bawl leh deihdan a bawl na hikei a, Pasian khutsuak, leh deihdan a bawl na hi. Tuaziak in nang pen nang a hilou in, Pasian a na hizaw a, na hoihna leh hoihlouhnate zong Pasian a ahizaw hi. (1Sam 2:30; Pau. 3:11; Rom. 14:10-13; 1Tim. 4:12). Taj Mahal kilawmna leh hoihnate tuni dong in kigen minthang a, leitung a a lamdang sagihte lak ah khat in pangpha hi. Tuaziak in Taj Mahal en diing in, mun tuamtuam leh gam tuamtuam a kipan in mite hung pai zunghzungh uh hi. Hilezong, a taktak a chih in, Taj Mahal saang a hoihzaw, kilawmzaw, etlawmzaw a om a, tua pen nang na hi. Taj Mahal pen mihingte khutsiam silbawl ahi a, hilezong nang pen Pasian khutsuak, Pasian ...
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more