KUM 2024 PILVANGTAK IN GELH NI AWLE

 



✍️ Pastor Thangdoulal Suantak

 

Kum thak chibai!!🤝

 

Thupil/ Paunak gelhtu pa khat in, “Kipahthu gen diing saang a sep diing poimawhzaw mi hing in a neikei” chi in a na gelhtop mai hi.

 

Kum 2023 pen ama hihna bangbang in a liamta a, nungsap diing gual ahi nawnkei a Jesu Khrist kiang ah, eite tun masang in a hung na tunsanta hi. Mihing tuul/saang tampite piang in, sim senlouhte'n zong, mual a hung liamsan lai un, i Toupa Pasian in, i hinkhua dengdeltak leh bahsamtak ah, kum 2024 a hung puaklutta a, i lungdam mahmah uh hi.🙏👏

 

Kum thak ahihleh kuamah in bangmah a na lawhkhak ngai nailouh a thak liklek ahihna ah, mi tuul tampite'n muh a ut mahmah lai ua, mu manlou a a mualliamsan lai un, eite'n tan hampha i tang ua, mi hampha diakte i hi uh hi.

 

Gelhlouh laipuannpek 366 a sah i gelh khinta uh hi.

 

Na lung a kim na hiam? i deihdan tak a i gelh uh lah a hi ngal a. Nang mahmah in na nung sim ut nawnkei lezong, mi dangte'n a hung na simsak thouthou ua, hua saang a kichianzaw in Pasian in a hung na simsak a, hoihtak in a hung na chiamtehsakta hi.

 

Tu in ahihleh Gelh louh laibu thak, pek (laipuan) 365 a sah, i gelh diing un Pasian in a hung pia kiikta hi. Ni teng in pek khat zeel, eima deihdan bangtak in i gelh kiikta diing uh hi. Gelh zou sam diing in na kinem hiam, ahihkeileh laklohtak a khawlsan mai diing, chih pen hun in a hung gentou diing a, tu in i thei masa kei uh hi. Kisik tuntunna diing bnagmah gelhkei ni aw!

KUM 2024 PILVANGTAK IN GELH NI AWLE. ✍️🙋🏻‍♂️👨‍🦽

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more