KHRIST LUNGSIM

~ Pastor Thangdoulal Suantak

 

Pasian Lai Sianhthou, Kilaakna 21:5 ah, “Tualeh laltouna tung a tou-pa in, ‘Ngai in, sil zousiah ka siamthakta hi!’ achi hi. Tualeh aman ka kiang ah, ‘Gelh in, aziak hih thute adik in a gin-om ahi,’ achi hi,” chih thu i mu uh hi.

Mihing tupdan leh Pasian sil tupdante, kibanglou leh kilamdangtak, kigamlapi a om mahbang a akilat hun a tam mahmah hi. Mihingte’n tomkhat sung sual nopsakna a na kideihgawh taangpi a, Pasian lungsim leh lungtangte, Khristian kichi lehang zong, eimah ah i puakpih thei taktak kei uh, chih diing bangtak in a ki-omkha nak hi.  

Nunlui ngai a lungzuang leh lungleng chii i hih ziak uh a diam, nunlui sialna leh hunlui ngaihna in i lungsim sungte uh a luahdim a, tuachiin hih nunlui ngaihna pen, i theihlouh kaal un, i sung ua vaihawmtu in i na zangkha zeel uh hi. Tuachiin Khelhna/ bohsiatna lungtang i neih un a beimang thei taktak kei hi.

Sil thak a om diing chiang in, banghiam a kikheel a om a ngai hi. Pasian lungsim leh lungtang i puak diing ua ahihleh, lel kawmkawm a khelhna pua i taksa uh leh i lungsim uh a kikheel a ngai a, hichibang hinkhua pen, gingtu khat ka hi i kichih sam hang, puakkhiat a neih haksa a kisa chiat hi.

Pasian lungsim leh lungtang pua diing in naktak in i kisingsa thak chiat diing uh hi.    

 

    🎍🎍🎍🎍🎍🎍🎍🎍🎍