EIMAH HIZAW VE-HANG AW!

 


~ Pastor Thangdoulal Suantak

 

Luke 9:23, Tuachiin aman (Jesu’n) ama'uhte kiang ah, “Mi khatpeuh in ka nung a zuih nuam leh amah ki-mangngilh in nisial a a Cross pua in hung zui hen..”

Cross (Singlamteh) thu i ngaihsut khaak chiang un, sihna mun ahi, chih lungsim ah a kilang masa pen hi. Sih kichi sil nuamloutak leh thuakhaktak ahih ziak in, Cross a kilhden a om diing zong kuamah in a ut-huai diing sil hi diing in, ngaihsutna i neikei uh hi. Mi si or sihna ahihleh i ngaisiam maithei kha diing ua, hilezong sih diing mai-ngap kuamah ki-om tuamlou in, a kuamah peuh in ki-huphulh chiat a, sih diing ki-utlou chiat hi.

Hih leitung a Jesu a leenlai in zong, mipite’n Cross a kilhden a om diing in Jesu a deih ua, tuachiin Cross ah kilhden in, chi in, Jesu kilhden a a omtheihna diing in a kikou zuazua uh hi. Mihingte’n mi dangte kilhden a a om diing uh pen i nopsakna lam a na hih tuak hi. Tualeh kilhden diing leh kilhden a om diing in mi dangte i musiam mahmah uh hi.

Jesu pen tua bang ahihlouh ziak in, amah leh amah kilhden a om diing in a kipia a, sih dong a thumang in a om a, a sihna diing in Cross (Singlamteh) a teel hi. Tuachia i natnate pua in, i lungkham mangbat pua in, hua Cross (sihna) pen Amah a diing in a teelzaw hi.

Amah zuitute’n zong, mi dangte kilhden lou a, eimah leh eimah ki-kilhden diing in Toupa’n a hong deih hi. Tuachiin eima Singlamteh kipuka a, Amah zui diing in eite a hong sam hi. Hichibang in Amah i zui thei taktak na diing uh hiam?

Mite sihna diing a Pasian hong piak i Aw uh suahlou a, mi dangte kilhden sawm a phe-liplep lou diing leh eimah sih zawk a, hih leitung sihsan diing in Toupa’n nang leh kei a hong deih hi.

Ei si zaw lehang Toupa tawh i kilem diing a, si-a-i-sih nak ua ahihleh midangte tawh zong lemtheitak in a om mahmah diing uh hi.

Khris leh a gam a diing a, leitung sihsan ngamna hangsan thupha ngah diing in, Toupa hong ompih chiatta hen….

IHMUT NUAM LEH MANGPHA

Comments

Post a Comment

Popular posts from this blog

Damlai Gawtmun

Image
  By: Pastor Thangdoulal Suantak   Damlai Gawtmun pen vaangsiatna leh vaangsia kisakna genna kammal leh, utlouhna munte a omna leh nna sepnate genna deuh ahi a, hih pen mi zousiah tung a tungthei sil zong ahi hi.   Nu-ngak meel hoihtak khat in hunkhatlai in pasal sepna nei khat a a kiteenpih a, tuachiin ta pasal thum leh numei nih a hung neita uh hi. Hibang ahihlai un, a pasal in zu a neeksan a, lawm a ngaisan a, a zi-le-tate khawtuahlou in hinkhua a hung zangta mawk hi. Hih numei in a pasal leh a tate a nusiat diing pen a ngai-ngamkei a, tuachiin a tate tawh a neek diing uh khut nna sep a zong in hinkhua a hung zangtou ua, tuachiin a tapa taak pen a hung tangvaal simsimta hi. Tuachiang in a tapa taakpen tawh sum-le-paaite zong in a hung om ua, a naute skul a kaisak uh hi. Tuachiin hih numei tapa taak pen in zi a hung nei a, sepna bawlnate tawh innsung keem in, inn nuamtak a hung bawl a, haksatna tampi tawh a inn bawl uh hung zou uh hi. Nuamtak a hinkhua zak dii...
Read more

TONGKUP-ZAITHA

Image
  _✍🏻 Pastor Thangdoulal Suantak  Thupi ut luatnate, minthan ut luatnate, a penpen hih utnate i lungsim ua pan a, a koihkhiat diingdan ngaihsut a, paihmang vingveng a hunta in na thei samta hiam? A ki-ngiamkhiat ngam, a guallel ngam lamlam lah, Mihingte pahtawi hikei lezong, Pasian in a pahtatzaw ngal a! Mihing dinmun saanna diingte, mite genphat leh mite theih hihna diingte, khovel sil a hamphatna diingte a lah, a mi zousiah in Pasian lemsakna i ngah uh poimawh ahihna lah i pomsiam mahmah zeel ua maw! Hilezong mite theih phaklouh leh khovel sil a lawkna diing omlouhna dinmun a dinna pen Pasian aw zaakna diing a sil poimawh khat ahihlam lah i pomsiam theikei zeel mawk ua maw! Sil hoih zousiah i bawlkim theikei ua, i lungsim ua om zousiah zong Pasian hung houpihna AW a hikhin kei chih thei thak ni aw! Na kalsuan sukdik sawm in, kal khat suankhial, khatvei totkhialna in eimah lak ah natna a hung tunzaw hi!
Read more

ETTONTAAK, LARA DUTTA-TE NUPA

Image
By: Pastor Thangdoulal Suantak   Indian actress leh interpreneur minthang leh meel hoih, kum 2000 a Miss Universe hihna na ngah leh Miss Intercontinental zong a na hikha ngai, Bollywood films a zong gentham chingtak, Lara Dutta leh a pasal, Indian tennis minthang, Indian tennis player lak a, 1997 kum a Grand Slam tournament a kilang zou, mixed doubles a zong Grand Slam chiang tungzou, International Prwmier Tennis League (IPTL) dinkhepa, Mahesh Bhupathi-te nupa in Pasian muanna in, tukum kumbul a kipan in a omna uh Saptuam a Pastor Shekar Kallianpur tawh kimuhna diing in zingsang nai 4 (4AM Challenge) a bawl ua, tuachiin zingsang naili sial in thu-ngetna hun zangh uh hi. Tuachiin Mahesh in, ‘Breakthrough From Heaven,’ chih youtube video bawllawhta hi. Hih video ah a testimony thupitak a gen a, zingsang baihtak a Pasian mai a vaki-aap a hamphat-huaidan leh a manphatdan a gen hi.   2013 IPTL Mahesh in kum 2013 a kipan in project thanop-huaitak leh khantouhna diing a hoi...
Read more