TONGKUP-ZAITHA

  Thupatna Khovel vaak na hi uh! Chih kammal pen Matthai 5:14 a Jesu thugen, Khristiante lak a Bible taang kitawi mahmah khat ahi. Tualeh hih “Vaak-light” chih pan etsak nei kammal (metaphor) zong ahi hi. Pasian laisiangthou ah hih “Vaak” pen Gen. 1:3 na ah, “Vaak om hen” chih Pasian thupiakna tungtawn in a hung om masa pen a, tualeh Bible bu tawpna, Kilakna 21:23 a i muhbang un, Jerusalem Thak pen, “Pasian thupina in a taanvaak hi” chih ahi a, hih “Vaak” pen ahihleh Pasian ompihna, thudik (truth) taklatna, siangthouna suklatna, chihte etsakna leh limlahna ahi. Hichibang ahihlai in i Toupa Jesu’n a nungzuite kiang a, “Khovel vaak na hi uh” (Matt. 5:14) a chihlai in, a nungzuite mi hihna (identity) pen amah a zungkha leh hinna gui kibang nei, ahihdan a gennopna ahi. Aziak pen Amah Jesu Khrist pen “Vaak” ahi. Limtak in ngaihsun in!   Laisiangthou in “Vaak” Tungtaang a Genna Tamlou “Vaak” chih kammal kimuh masakna pen ahihleh Gen. 1:3 na ahi a, “Vaak om hen” chih ah...

Bible: Eph. 4:22-24, “Na ni danglai omdan ua mihing lui, kheemna leh lunggulhna hoihloute koihkhia unla. Na lungsim kha uah athak in hung om un, mihing thak, diktatna leh siangthouna Pasian bang a siam pen silh un.” 1. Siangthouna kichi Pasian mizia ahi a, gingtute kiang a Jesu Khrist tungtawn a piak zehoihtak ahi. Tualeh Bible in a gen Siangthouna pen Sabon (Soap) a kisil sianna siangthouna ahikei a, mizia i chih uh Bible tawh kituak a omdan-hoih kichite ahizaw hi. Pasian in Khrist tungtawn a ginna ziak a, a hung piak hih siangthouna mizia pen leitung a pawkhia, phoulak leh hingsak diing in nang hung deih hi. Buahbaan pan a eite hung Tanpa in Siangthou a om a, hih Sianthouna pen khovel musak diing in hung deih hi (Read. Lev. 19:2; 11:45; 1Pet. 1:15-16) 2. Diktatna kichi mihingte pianken mizia leh omdan ahikei a, Pasian a ahi. Diktatlou leh diktatna chang theiloute i hihlai ua, Diktat diing a eite hung Tanpa in, i omna mun zousiah uah, hih Diktatna mizia pawkhia a, khovel mite musa...