TONGKUP-ZAITHA

  👩‍💻TONGKUP-ZAITHA💪  BIBLE STUDY: SIAMC. 3:9. Adam leh Evi a khial diing utlou a, Pasian mai a, a ki-ngohna uh i muhbang un, leitung a mihingte lak ah, a khialzaw hih diing utlouhna a lian mahmah a, Adam leh Evi mahbang in, khelhna i kipia tuah ua, hua pen i innsung uh leh khotaang ua diing in zong, sil hoih ahikei a, hilezong i pai theikei uh hi. Pat-taktak a kipat-thak ngai ahihna theizing kawm in, i omna munnuh theihchet sawm ni aw! Khoi a om na hia?  Siamc 3:9. Khoi a om na hia?  Pasian in mihing a khialta chih a theilou ahikei a, tualeh Adam a omna a theihlouh ziak a, khoi a om na hia chi a zong, a zon a hikei a, khial a hihdan Adam in a theih na diing a, khoi a om na hia, chi a, a sap ahizaw hi; tualeh Pasian in Adam a vasap teitei na ziak dangkhat ahihleh, Adam in a sil bawl diklou pen a pom a, Ama (Pasian) lam a, a kileh a, huachiang a Pasian in a na ngaihdam diing pen, Pasian deihna ahihziak ahi, zong a kichi hi. KJV Bible in a genna ah, “Pasian in a sia...

  TONGKUP-ZAITHA: BIBLE STUDY Siamc 3:11b-13. Mawh Kipiaktuahna: Pasian in Adam mawhmat sawm a, a kiang a, “Na nek louh diing a k'ung thupiak singgah na nek maw?” chi a, a doklai in, Adam in, khial ahihna a kipomna leh amah siampa thupiak a zuihlouhna pomdan siam kawm a, “Hi” ahihkeileh “Ka na nekha mah hi,” chih kammal tawh a dawn diing hinapi’n, “Ka kiang a om diing a n'ung piak numei in, tua singgah a hung pia a, Ka nek ahi,” (t.12) chi in, ahilou lamtak ah a dawng hi.   Adam in a khelhna azi pesawn: Adam in ama kam vateek tawh, Pasian mai a, a khelhna pen a phuankhiat na diing in, Pasian in dokna dong a, hilezong ama’n hua khelhna pen ama khelhna a pomlou in azi Evi tung ah a tun zawsawpta hi. Adam in a khelhna a zi a piaksawn mahbang in, tulai in zong, i khelhnate uh mi dangte kipia nuam mahmah hi.   Evi in amah khelhna pen Guul pesawn: Adam in a khelhna pen ama khelhna a pomlou a, azi Evi kiang a, a piaktak in, Pasian in Evi kiang ah, “Bang chi daan ah...

  TONGKUP-ZAITHA: BIBLE STUDY Siamc 3:21. Puan Thak (Savun puantual): “Toupa Pasian in Adam leh a zi Evi a diing in savun puantual a bawlsak a, a silhsakta hi,” chih pen Bible a i muhdan uh ahi. Bible ah puan thak silhsak a om Adam leh Evi bek ahikei a, “Puan thak” silhsak a om mi bangzah hiam a om hi; ama’uhte lak a tallang pen Ruth (Ruth 3:3), leh tapa taimangpa (Lk 15:11-32) ahi. Hih puan a kituamna ahihkeileh puan silhsakna in a gen nuam pen ahihleh hutdamna ahi. Ruth pen a tanpa tawh kimu diing ahih ziak in puan thak silh diing a sawl in a om a, tapa taimangpa pen a pa in puan thak tawh a na tuam hi; hih pen Adam leh Evi puan thak silhsakna tawh kibang, lungmuanna, bit kisakna leh Pasian angsung a hutdam a omna limlahna ahi (Gal, 3:26-27). Bible a i muhtheih uh taksa khuhna khenkhatte: Adam leh Evi in ama’uh taksa khuh thei diing in theipiteh a khui ua, hua tawh a kituam uh hi, chi in Bible in a hung hilh hi. Taksa khuhmangna pen Pasian a diing a poimawh pen hikei lezon...