Dohzoutak in i Thuak Hamham Diing uh hi!
Bible simna: Toupa'n Setan kiang ah, “Ka sila Job na ngaihsun kha-ngai ei? Leitung ah amah bang a dembaanglou leh mi diktat, Pasian zahtaak leh siatna kiheisan a omkei hi,” a chi hi. Tuachiang in Setan in Toupa a dawng a, “Job in a mawkna a Pasian a zahtaak hisak na maw? Nang amah leh a innkuante, leh a neih-le-lamte kiimkot a daai na khun hilou a maw? A khut nna sepna thupha na pia a, tuachiin a gantate'n gamteng a luahdim uh hi. Hilezong tu in na khut zankhia inla, a neih-le-lamte khoihsak lechin, na maitang mahmah ah a hung samsia pai diing hi,” a chi hi. 12Toupa'n Setan kiang ah, “Tuabang ahihleh hoih e, a neih-le-lam zousiah na khutsung ah a omhi; hilezong amah tung ah na khut kha ken!” a chi hi. Tuachiang in Toupa omna a kipan in Setan a paikheta hi. (Job. 1:8-12) Eima suk-khelh hikha mawngmawng loute zong khat-veivei i thuak hun uh a om zeel hi. Bangziak e, chih theihkhiat zohlouh haksatna leh thuakgimna a hung tun hun, mihing hinkhua ah a om kha-thei zeel hi. ...