ISMAEL NAM 12TE
Ismael tanchin chih article a i na gensa mahbang un, tutung in Ismael nam sawm leh nam nihte tawh kisai a, theih diing a hoih, hilezong kuamah in a mawk genkhiat ngam ngailouh uh thu khawk taktakte, website tuamtuamte leh theihna gilzaw a na neite’n a na gelh uh article tuamtuamte en in i kikumkhawm diing uh hi. Bangteng hitaleh, Tongkup Zaitha youtube channel memberte, Ismael nam sawm leh nam nihte tanchin, Bible tawh Kisamkaih Tanchinte ah, kung vaidawnna chibaih i Toupa Jesu min in k’ung buk masa hi. ISMAEL NAM SAWM LEH NAM NIHTE Hun masalai a i gensa uh Ismael Tanchin ah, Ismael in tapa sawm-le-nih a nei a, ama’uhte a unpi un hausa (tribal chief) in, Havilah gam a kipan in Shur (Assyria pan a Egypt gamgi) dong a luahdim uh hi. Tualeh hih Ismael tapate ahihleh: 1. Nebaioth ( נְבָיוֹת Nəḇāyōṯ ) 2. Kedar ( קֵדָר Qēḏār ), Arab mallam gam, Persian gulf leh Sinai Peninsula ki...