LAATE 23 NA PAN A NA THEIH NGAILOUH THUGUUK
LAATE 23 Khristiante leh adiak in eimite lak ah, mi zousiah phial in Laate 23 na pen i theihsa uh bang phial in i koih ua, zong a dik hi; khenkhatte bang in i tate uh i hilh ua, i by-heart-sak uh hi; tualeh ei mahmah in zong i theih mahmah khat uh ahi a, Bible a thu tallang mahmahte lak a khat ahi. Hitalezong Laate 23na in a gen thu pen bang ahia? Laate 23na sung a phual a om thuguuk bang ahia? Laate 23na a kigen Belaam dinmun bang ahia? Kua tawh leh bang tawh tehkaak a om ahia? Ngaihtuah khawm ni aw! Ka lu sathau n’ung buak/nilh a: Hih pen Pasian deihsak a omna kammal chiang bek ahikei a, hih in kha-lam hinkhua ah, sin diing a poimawhtak a hung kawkmuh, Khristiante a diing a, poimawhtak a nei hi. Desert gam ah Belaamte pen Sahang leh Sa-sialne gamsate saang in, thousi-thouvai, loi leh bawng khawite’n a theih mahmah diing uh chippite in Belaamte bawh chihtak in a bawh ua, adiak in a lu uh a bawl diak uh hi; a ziak pen a lu uah mul a sahkei a, tualeh a bil uh bang mu...