Pasian piak thupha nam nihte
Pasian thupha nam nihte! Toupa thupha in hauhsakna a tut a, tualeh Ama’n tua hauhsaknate lak ah, dahna a pangsak kei hi (Thu. 10:22). Leitung hauhsaknate lunggulh lou in Pasian mah lunggulh in neizaw ni. Pasian in Abrahamte hunlai (Mosi kiang a thu-sawmpiakte a piak masang hunlai leh daan a om masang hunlai) in, amite kiang ah thupha a na pia a, hua thuphate a piakdan pen chi-nih ahihkeileh nam nih a muhtheih in a om a, huate ahihleh; (1) Hehsuakna ziak a piak thupha (hih pen Amite’n A thu a manlouh ziak ua, gawt ahih nung chiang ua, Ama deihna lam a, a nung puite nungsapna dan a piak thupha genna ahi) leh (2) Kipahna tungtawn a piak thupha khat zong a om hi. Hih kipahna tungtawn a piak thupha sung ah, buaina, lungkhamna, kimuhdahna leh kiletsakna chihte a omkei hi. Hichibang thupha sung ah, ihmut limna, ankam limna, lungmuanna chihte leh a dang tampi zong a om hi. Na ihmutdan a lemtheih kholkei a ahihleh na thupha ngah pen na etthak ngai diing ahihtuak hi. Siam...