Pasian in nang a hung deihsakna mun a teeng diing in na kimanta hiam?
Pasian in nang a hung deihsakna mun a teeng diing in na kimanta hiam? Thuthang kipah-huai tanchinpha ahihleh, i om bangbang ua i omden louh diing pen uh ahi. Gingtu hinkhua pen Tuipi Si baktheih ahihziak in, mun khat a khawlden diing ahikei hi; Tuipi Si a luanglut tuite, Jordan luite leh luita dangdangte ahihleh Tuipi Si a tun masang ua tui hoih leh lim mahmahte ahi uh hi; hilezong Tuipi Si a kichihna mun atun chiang un a si uh hi; aziak oen Tuipi Si pen a sihna ziak ahihleh amah a kipan a tuite, a khahkhiat louhziak ahi, a kichi hi. Pasian, i hinkhua uh Toupa bang in kilangsak zoukei lehang zong, kisiikna tawh a thu i man ua ahihleh, Jakob bang in Bethel (Pasian hung deihsakna mun) zuan in i kalsuanthei diing uh hi. Abraham in zong, a hinkhua ah ama deihlamte a hahzuih mahmah a, (Siamc. 13:1–4), tualeh Isak (Siamc. 26:17), David (2Sam. 12), Jonah (Jonah 3:1–3), leh Peter hinkhua ah zong (John 21:15–19), mahni deihlam leh hoihsak lam pen zuihna muhtheih in a om hi; hile...