TONGKUP-ZAITHA

        TONGKUP-ZAITHA MAHNI KI-UKZOHNA Israelte kumpi minthang Solomon bang in na pil maithei diing a,  ahihkeileh  Kumpi David bang in Pasian phatna leh  biakpiakna ah na kipia zou mahmah kha-diing hi;  ahihkeileh  Abraham bang in ginna na neikha mohkei diing hi;  ahihkeileh  Joshua bang in kidouna lam ah mi hangsan leh  gaalte doudan siam zong na hi mohkei kha-diing hi.  Hilezong Joseph bang a, nang leh nang na ki-ukzohkei a  Ahihleh, Samson bang in na puuksia kha-diing hi. Mahni Ki-ukzohna a omkei leh na zousiah a lamzang thei taktak kei hi. Pasian Laisiangthou in, “Tuachiin aman ama'uhte tengteng kiang ah, “Mi khatpeuh in ka nung a zuih nuam leh amah kimangngilh in nisial a akross pua in hung zui hen.” Luke 9:23 “Tuachiin Jesu'n amah gingta Judate kiang ah, Ka thu a na omzing uh leh ka nungzuite na hi taktak diing uh hi” John 8:31.

  Thupatna Joshua ahihleh kum 90 pan a 100 diing mi ahita a, a teekta hi. Leitung ngaina dan a, sil zousiah pan a khawl hun (retirement) ahita hi. Hitalezong Pasian in a sep diing nna a guan nuamlai hi. Tuachiin Toupa’n a kiang ah, “Nang lah teek in, kum tampi na chingta a, gamlak diing lah tampi a omlai hi,” (Jos. 13:1) a chi hi. Joshua a diing in, Toupa a teek ka hita a, nang a diing in bangmah kung sepsak ngap nawnkei hi chihtheih ahi. Hilezong Joshua in kum 10-20 kikaal sung Pasian a diing in tha-le-zung siitlou in a semlai a, tuachiin kum 110 (Jos. 24:29) in a sita hi. A huu tawp dong, Pasian a diing in a pang tawntung hi. Nang zong, na huu tawp dong a Pasian zak ut mi khat na hi. Tuni in Pasian a diing in na kipan thei diam, tu hun pen nang hun ahi. Joshua 13:1. Meaning: Joshua bung 1 na ah, Israel lamkai kikhekna i mu ua, tualeh Joshua 13:1 na chiangtan ah, Joshua lamkaihna tungtawn a lohchinnate i muhban uah, Joshua zong teekta chih i mu uh hi. Hih leitung khualzi...