TONGKUP-ZAITHA

  Gamtatdan ah Chingkip Ni! Khatvei-vei mihingte hinkhua ah theihna (knowledge) saang in Gamtatdan (Behaviour) a chingkipna pen a hoihzaw thei zeel hi. Aziak pen, mihingte hinkhua ah theihna (knowledge) in lohsap hun a haau mahmah a, hilezong gamtatdan a chingkipna in sil zousiah a kembitthei hi. “Kheem in om kei un, ‘Gual gilou in omdan hoih a susia hi’” (1Korinth 15:33). Kumpi Solomon zah a pil in, leitung ah thupi mahmah lechin zong, Joseph bang a Gamtatdan a na chingkip kei a ahihleh bangmah na hituamkei diing hi. Gamtatdan ah chingkip ni!

        TONGKUP-ZAITHA MAHNI KI-UKZOHNA Israelte kumpi minthang Solomon bang in na pil maithei diing a,  ahihkeileh  Kumpi David bang in Pasian phatna leh  biakpiakna ah na kipia zou mahmah kha-diing hi;  ahihkeileh  Abraham bang in ginna na neikha mohkei diing hi;  ahihkeileh  Joshua bang in kidouna lam ah mi hangsan leh  gaalte doudan siam zong na hi mohkei kha-diing hi.  Hilezong Joseph bang a, nang leh nang na ki-ukzohkei a  Ahihleh, Samson bang in na puuksia kha-diing hi. Mahni Ki-ukzohna a omkei leh na zousiah a lamzang thei taktak kei hi. Pasian Laisiangthou in, “Tuachiin aman ama'uhte tengteng kiang ah, “Mi khatpeuh in ka nung a zuih nuam leh amah kimangngilh in nisial a akross pua in hung zui hen.” Luke 9:23 “Tuachiin Jesu'n amah gingta Judate kiang ah, Ka thu a na omzing uh leh ka nungzuite na hi taktak diing uh hi” John 8:31.