PASIAN DEIHSAKNA MAI A ZE-ETNA OM
TONGKUP-ZAITHA “Pasian deihsakna in ze-etnate a tawpsak kei hi. Hilezong, Pasian hung deihsakna in ze-etna a hung sawl masa thei zeel hi.” ~ Unknown. Pasian in a hung deihsak ziak a, a nuam-nuamte, a baihlam-lamte a, i hinkhua uh a hung lamkaih diing ahikei hi. Bible ah Pasian deihsakna ngahte tanchin a nuam a omkei a, khatvei-vei houh, Pasian deihsakna pen a na laau-huaizaw hileh kilawm mahmah hi. Etsakna Abraham: Pasian deihsakna mu masa leh ngah masa, na chi-kha maithei diing hi; hilezong a hinkhua en in, tulai a eite thuakzoh diing hi in ka theikei hi. Daniel: Daniel zong Pasian deihsakna mu ahihziak in laisiam/ lehkha siamtak ahi a, a omna gam ah, Pasian in amah a ompih a, humpinelkai in zong bangmah a lohthei kei a, meikuangpi in zong a kaangkei na chi maithei diing hi; a tanchin en in, nang leh kei thuakzoh diing hilou kha diing hi. An-limtak, meh-limtak, zu leh sa a kidimna nusia, ni teng a thuumna hun zang gige, mite enghou leh heksiatna thuak a phunloupa ahi...